Finnur benti mér á fyndið video:

Fann smá heimildarmynd um Steve Martin á Youtube. Það vantar eitthvað aftan á hana, en það hlýtur að koma bráðlega. Ég mun linka á það þá.



Hluti 2
Hluti 3

Margt búið að gerast síðan ég blogaði síðast, ég er mjög latur að segja frá persónulegu lífi mínu.
Héldum uppistand miðvikudaginn 4. apríl í fyrsta sinn í Sláturhúsinu, sem heppnaðist mjög vel. Ef litið er yfir nýjustu færslurnar á bloginu mínu sést að þetta er eiginlega allt um grín eða uppistand. Þess vegna er í vinnslu ný fjandinn.com síða, en það mun verða fyrst og fremst síða tengd uppistandi, með fréttakerfi, vídjóum o.fl o.fl. Hlakka fjandi mikið til þegar hún verður ready. Þá mun ég skrifa um uppistandara sem ég hef skrifað hérna á síðuna og einhverja fleiri + fréttir af uppistandi hérna og erlendis o.fl. atburðir og einhver skítur.
Það verður MAGNAÐ.

Talandi um uppistandsfréttir; Þórhallur vann Fyndnasta mann Íslands, til hammara með það.

Hér er uppistandið "Person" með Demetri Martin. Ég dánlódaði "Comedy Central Presents: Demetri Martin" um daginn og það var mjög fyndið. Person er jafnvel ennþá betra, maðurinn er mjög sniðugt helvíti.
Ég myndi drífa mig að horfa á þetta áður en þetta verður tekið út eins og svo oft gerist. Látið þetta bara hlaðast yfir daginn og horfið á þetta í kvöld. Þetta var allavega lengi að hlaðast hjá mér.
Ég mæli með að horfa á þetta allt, en ekki hætta ef þið fílið ekki fyrstu 5 mínúturnar. Hann gerir alltaf nýja og mismunandi hluti og verður bara betri og betri.
Ég dánlódaði líka "These are jokes" sem er hljóðuppistandsdiskur sem hann hefur gefið út.
Gott stöff, gott stöff.

FMÍ þátturinn sem ég var í var sýndur í gær á nákvæmlega sama tíma og Gettu Betur, þannig að ef einhverjum langar að sjá þetta þá er þetta endursýnt í nótt kl korter í 2 (á skjáeinum).
Ég er bara nokkuð sáttur.

Bandaríski grínistinn Steven Wright er jafn einstakur og hann er fyndinn. Þessi skrítni maður þrusar út úr sér "one-linerum" eins og hann fái borgað fyrir það. Hann fær það líklega. Hann er líka bara með snjalla og fyndna brandara.


„I almost had a psychic girlfriend but she left me before we met.“

„42.7% of all statistics are made up on the spot.“

- Steven Wright

Svo er meira til á youtube.

Uppistandið mitt er svona eins og gamall, skítugur, heimilislaus maður, sem hleypur að þér og öskrar eitthvað óskiljanlegt. Þú annað hvort hlærð að honum eða þá hræðist hann og veist ekki alveg hvernig þú átt að láta.
Ég er semsagt ekki alveg nógu sáttur við hvernig þetta fór hjá mér, en þetta var alveg ágætt. Hef það ekki alveg í mér að „ná“ áhorfendum. Allavega ekki ennþá. Það var samt alveg eitthvað hlegið og þið getið horft á þetta í sjónvarpinu eftir viku. Magnað að vera með uppistönd fyrir svona stórt krád og á svona flottum stað.

Ég fer til Reykjavíkur á fimmtudaginn til að taka þátt í fyndnasta manni Íslands . Endilega kíkið ef þið getið. Svo flýg ég heim á föstudaginn, fer á Barkann og horfi svo á Hákon í FMÍ á S1 . Kíkið á það líka.

Kíkið á Hákon á fimmtudaginn í kvöld í Fyndnasta manni Íslands.

Keppnin verður haldin í Austurbæjarbíói við Snorrabraut. Salurinn tekur 550 manns í sæti og verður keppnin sýnd á Skjá Einum.

Horfði í gær á heimildarmynd í átta hlutum um grínistann Bill Hicks.

Fyrir ykkur sem þekkja ekki til hans læt ég fylgja með uppistandsbrot:



Þetta er úr síðasta uppistandinu hans sem til er á teipi. Ég á það á mp3 og það er einnig hægt að horfa á það á youtube (það tilheyrir líka heimildarmyndinni).

Annars er ég að reyna að eyða þessum frídegi í að undirbúa stutt uppistand sem ég verð með eftir viku á kaffihúsakvöldi opnu daga ME. Þar kom ég líka fram í fyrsta skiptið í fyrra.